Այս ներկայացման մասին ես շատ էի լսել: Այսօր ինձ բախտ վիճակվեց Գ.Սունդուկյանի անվան ազգային ակադեմիական թատրոնում վայելելու այս հիանալի ներկայացումը, որի գլխավոր դերակատարն է ՀՀ ժողովրդական դերասան, մեր բոլորի կողմից շատ սիրված Կարեն Ջանիբեկյանը: Նա իր հիանալի դերակատարումներով բազմիցս զարմացրել և դեռ շարունակում է հիացնել իր հանդիսատեսին:
Ներկայացումը մի մարդու կյանքի պատմություն է, ով անդավաճան է մնացել իր հայրենի Լոռվա աշխարհին՝ չնայած հնարավորություններ ունի քաղաքում ճոխ կյանք ապահովելու: Նույնիսկ մի քանի անգամ բանտ նստելն էլ չի փոխել նրա սկզբունքները: Նա մնացել է անարատ, անբիծ: Իր համոզիչ խաղի միջոցով հանճարեղ Կարեն Ջանիբեկյանը փորձում է համոզել իր հանդիսատեսին, որ իր աննկուն կամքի շնորհիվ իրոք «սարերում կյանք կա»:
Շատ ուրախալի էր այն փաստը,որ մեր կրթահամալիրից շատ մարդիկ կային՝ իրենց ընտանիքների հետ միասին:
Խորհուրդ կտայի բոլորին դիտելու այս ներկայացումն և անպայման հասկանալու ենթատեքստը:
Մի խոսքով օրս այսօր շատ հագեցած էր: