Սպասում եմ ձեր դիտողություններին և առաջարկություններին մինչև հունվարի 7-ը:
«Մխիթար Սեբաստացի» կրթահամալիրի ավագ դպրոցում սովորողների գիտելիքների ստուգման կարգ
- Առարկայական ստուգումները կատարվում են միայն էլեկտրոնային տարբերակով:
- Առաջադրանքի կատարումը պարտադիր է սովորողների համար:
- Կիսամյակային գնահատման ժամանակ հաշվի են առնվում այդ ստուգումների արդյունքները:
- Դասավանդող ուսուցիչը առաջադրանքը, գնահատման չափանիշները և կատարման ժամկետը համաձայնեցնում է ուսումնական կենտրոնի և ուսուցողական ծրագրի ղեկավարի հետ և ուղարկում սովորողներին Live&Edu համակարգի միջոցով: Սովորողը առաջադրանքը ստանալու մասին տեղեկացնում է ծնողին, ով հետևում է, որ սովորողը ժամանակին կատարի առաջադրանքը և ուղարկի [email protected] հասցեով:
- Ծնողը ավագ դպրոցի գրասենյակի ղեկավարին տեղեկացնում է այն մասին, որ ինքը գիտի առաջադրանքը ստանալու մասին:
- Ուսուցիչը առաջադրանքը տեղադրում է նաև կրթահամալիրի կայքի «Քննական կենտրոն» բաժնում:
- Քննական կենտրոնը գրանցում է սովորողից ստացված աշխատանքը և ուղարկում համապատասխան ուսումնական կենտրոնի դասավանդողին` ստուգման:
- Դասավանդողը երկու օրվա ընթացում ստուգում է աշխատանքը և ուղարկում քննական կենտրոն:
- Ստուգված աշխատանքը ստանալուց հետո քննական կենտրոնը մեկ օրվա ընթացքում այն ուղարկում է սովորողին և ավագ դպրոցի գրասենյակ:
- Գրասենյակը ստուգված աշխատանքը ուարկում է այդ դասարանում դասավանդողին:
- Աշխատանքի արդյունքը կարող են հնգօրյա ժամկետում բողոքարկել սովորողը կամ դասավանդողը:
- Սովորողի բողոքարկման դեպքում նա հանդիպում է աշխատանքը ստուգողին: Անհամաձայնության դեպքում քննական կենտրոնը աշխատանքը ուղարկում է ուսումնական կենտրոնի ղեկավարին` վերաստուգման:
- Քննական կենտրոնը բողոքարկման արդյունքի մասին տեղեկացնում է գրասենյակին: Դասավանդողի բողոքարկման դեպքում. եթե անհամաձայնությունը ստուգողի հետ է, նա հանդիպում է ստուգողին և քննարկում աշխատանքը, իսկ եթե անհամաձայնությունը սովորողի կատարած աշխատանքի հետ է, սովորողը գրում է նոր աշխատանք` համակարգչային կենտրոնում` քննական կենտրոնի նշանակած անձի ներկայությամբ:
- Նշված ժամկետում առաջադրանքը չկատարած սովորողը համարվում է անբավարար ստացած:
- Սովորողը կարող է վերահանձնել առաջադրանքը կիսամյակի ավարտից երկու շաբաթ առաջ: Վերջնական համարվում է վերահանձման արդյունքը:
- Ստուգման վերջնական արդյունքները գրացվում են դասամատյանում կիսամյակի վերջում:
