Քիչ առաջ վերադարձա Դիջիտեք Էքսպո 2012-ից: Որոշեցի պատմել, թե ինչ էր կատարվում այնտեղ:
Այս անգամ ամեն ինչ ավելի հետաքրքիր էր: Տեղ հասանք, հագանք կրթահամալիրային վերնաշապիկներ: Հետո ես ու Միդոյան Արարատը սկսեցինք շրջել տաղավարներով, ծանոթանալ, տեղեկատվական թերթիկներ բաժանել: Փորձեմ մի քանի տաղավարներ առանձնացնել:
Նախ ես սկսեցի սիրել Unicompը: Ինչո՞ւ: Որովհետև թխվածքներ ու խնձորներ կային, որոնցից կարող էինք օգտվել: X-TECH-ն էլ փուչիկներ էր բաժանում: Այսինքն՝ մեզ համար էլի լավն էին: Ծանոթացա նոր ընկերությունների հետ, տեղեկացա նրանց գործունեության մասին: Ինձ համար նոր հայտնագործություն՝ Samsung SmartTV: Եթե չգիտեք, թե ինչ է նշանակում, google-ը կօգնի: Ներկայացնողները ճապոնացիներ էին, ովքեր խոսում էին անգլերեն:
Հանդիպեցինք նաև մարդկանց, ում հետ ծանոթացել էինք անցած Էքսպոյի ժամանակ:
Մեր տաղավարով էլ շատ են հետաքրքրվում: Հիմնականում Տիեզերք ակումբի աշխատանքներով ու գործունեությամբ: Մենք էլ հետաքրքրվողներին ներկայանում ենք մեր կրթահամալիրը, ծանոթացնում աշխատանքներին: Պլանետարիումը… բոլորը ուզում են տեսնել, թե ինչ կա ներսում: Պապիկներ, տատիկներ, երիտասարդներ ու երեխաներ: Բոլորը հետաքրքրված էին պլանետարիումով:
Մոռացա ասել՝ ես ու Վահեն էնտեղ գտանք Սթիվ Ջոբսի նմանակին: Ախր, շատ նման էր…
Հիմա էլ երկրորդ խումբն է էնտեղ: Սպասում ենք երկրորդ խմբի նորություններին:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
