Նարեկ Խլոյան, 6-2 դասարան
Նոր դպրոց
Այսօր` 5-րդ դասին, մենք տիկին Զոյայի և տիկին Լիդայի հետ մաքրեցինք մեր դպրոցի ճանապարհը: Սկզբում թվում էր, թե հեշտ է լինելու տարածքը սառույցից ազատելը, բայց մենք սխալվեցինք: Աշխատում էինք ու աշխատում, արդեն հոգնած էլի աշխատում էինք. ես, Նարեկը ևԱրմանը սառույցն էինք կոտրում, իսկ Էրիկը և Արմանը հավաքում էին սառույցը, տիկին Զոյան ու տիկին Լիդան ավլում էին տարածքը: Տեսնելով մեր հոգնատանջ վիճակը` տիկին Զոյան ասում էր` լավ, գնացեք, իսկ մենք ասում էինք` մի քիչ էլ: Վերջապես տիկին Զոյային հաջողվեց մեզ գործից կտրել: Մենք մտանք դպրոց, լվացվեցինք ու գնացինք դասարան:
Եթե մեր կողքի դպրոցն էլ մաքրեր իրենց տարածքը, ամբողջ ճանապարհը կազատվեր սառույցից: