Չեք կարդացե՞լ այս գիրքը, բա ի՞նչ եք կարդացել...

Իմ երբևէ կարդացած լավագույն գործերից է: Հատվածաբար անընդհատ ընթերցում եմ: Ընթերցում եմ, երբ ինձ թվում է, թե հումորս բթացել է, երբ զգում եմ, որ սկսել եմ չափից շատ լուրջ նայել իրողություններին, երբ գույները խտանում են, երբ անչարության պակաս եմ զգում... Կարդացեք... մի նայեք գրքի հաստափորությանը: Կարդալիս ցանկանալու եք, որ չավարտվի: Գերագույն հաճույք կստանաք: Մեզ հենց Շվեյկի խաղաղ, անչար, անհոգ հայացքն է պակասում... Եթե միայն մի գիրք ընտրեի կարդալու համար, դա կլիներ Յարոսլավ Հաշեկի «Քաջարի զինվոր Շվեյկի արկածները»: Անցկացրեք այս ամառ Շվեյկի հետ: Ավելի ուրախ ու իմաստուն ընկեր չեք գտնի: