ԲՆԱԳԵՏԻԿ N: 3

ԿԵՆԱՐԱՐ ՀԵՂՈՒԿ 

Երկրագնդի  մակերևույթն  ավելի  շատ  ջրային  է,  քան  ցամաքային: Դրա 70% -ը ջուր է: Երկրագնդի   համար  ամենամեծ  ֆ ենոմենը  օրգանական  աշխարհի  գոյությունն  է:  Կյանքը,  պատկերավոր  ասած,  կենդանացած  ջուր  է:  Վերածննդի  դարաշրջանի  խոշոր  նկարիչ  Լեոնարդո  Դա  Վինչին  գրում  էր`
«... ջրին  տված  կախարդական  իշխանություն`  դառնալ  երկրի  վրա  կյանքի  հյութը»:
    Բոլոր  կենդանի  օրգանիզմների  մարմնի  մեծ  մասը  ջրից  է  կազմված,  առանց  ջրի  կյանքը  պատկերացնել  հնարավոր  չէ: Մարդը  կարող  է  առանց  սննդի  ապրել  մեկ ամսից  ավելի, իսկ  առանց  ջրի` ընդամենը  5-6 օր:
    Բացի  կենսական  պահանջները  բավարարելուց,  մարդուն  ջուրը  շատ  պետք  է  կենցաղում` կերակուր  պատրաստելու, աման  և  հագուստ  լվանալու, սանիտարական նպատակներով:
    Խմելու  ջրի  նկատմամբ  մարդը  շատ  բծախնդիր  է: Այն  պետք  է  բավարարի  որոշակի  չափանիշների: Գոյություն  ունի  ջրի  մեջ աղիության, ընդհանուր  կոշտության, բակտերիաների  թույլատրելի  քանակ  և  այլն:
    Խմելու  համար  ամենաապահովը  ստորերկյա  ջրերն  են,  որոնք  ախտածին  մանրէներ  գրեթե  չեն  պարունակում: Այս  տեսակետից  հռչակված  են  Հայկական  լեռնաշխարհի  հրաբխային  ծածկույթներից  դուրս  եկող  աղբյուրները:
          Այս  ջրերը  մաքրման  կարիք  գրեթե  չունեն:
 Հիվանդություններն  ու  համաճարակները  կանխելու  նպատակով  մեծ  քաղաքներում  սովորական է  դարձել  խմելու  ջրի  ախտահանումը: Ախտահանումը  կատարվում  է  քլորի  կամ  օզոնի  միջոցով:
    Ջուրը  անհրաժեշտ  է  մարդու  առողջության  պահպանման  համար: Օրգանիզմը  պետք  է  ջրով  կոփել: Կոփված  օրգանիզմը  դիմադրում  է  բոլոր  տեսակի  հիվանդությունների  զարգացմանը, բարձրացնում  է  ֆիզիկական  ու  մտավոր  կարողությունները:
    Բնակչության    աճը  պահանջում  է  սննդի  միջոցների  արտադրության բազմապատկում: Դրա  համար  անհրաժեշտ  է  աստիճանաբար  նեղացնել  անապատների  և  կիսաանապատների  արեալները: Այդ  նպատակն  իրականացնելու  համար  ջուր  է  պետք, շատ ջուր:          

Կազմեց`            Կարինե Հարությունյանը
Մանկավարժական քոլեջ