ՈՒՍՈՒՄՆԱԿԱՆ ԿԵՆՏՐՈՆՆԵՐ

«ՄԵԴԻԱ» ՄՇԱԿՈՒԹԱՅԻՆ ԿԵՆՏՐՈՆ

Հաստատում եմ՝ Երևանի «Մխիթար Սեբաստացի»
կրթահամալիրի տնօրեն՝

________________________Ա. Բլեյան

ՀՀ ԿԳՆ ԵՐԵՎԱՆԻ «ՄԽԻԹԱՐ ՍԵԲԱՍՏԱՑԻ» ԿՐԹԱՀԱՄԱԼԻՐԻ
«ՄԵԴԻԱ» ՄՇԱԿՈՒԹԱՅԻՆ ԿԵՆՏՐՈՆ
Աշխատակարգ

1. ՀՀ ԿԳՆ Երևանի «Մխիթար Սեբաստացի» կրթահամալիրի «Մեդիա» մշակութային կենտրոնը (այսուհետ` Կենտրոն) գտնվում է Րաֆֆու 57 հասցեում՝ կրթահամալիրի կրթական օբյեկտում (նախկին Շախմատի դպրոց):
2. Կենտրոնի շենքը կրթահամալիրին պատկանում է անհատույց օգտագործման իրավունքով (նոտարի N 2630 առ 10.09.2004թ. որոշմամբ):
3. Կենտրոնը կրթահամալիրի կրթական օբյեկտ է, որտեղ գործում են կրթահամալիրի կինո-ֆոտո դպրոցը (ղեկավար Սոնա Աբգարյան), տեխնոլոգիաների և արհեստների ուսումնական կենտրոնը (ղեկավար Կարինե Մացակյան), կրթահամալիրի գլխավոր ցուցասրահը (ղեկավար Կարինե Մացակյան), մանկական ակումբը (ղեկավար Սյուզան Մարգարյան), կինոակումբը (ղեկավար Սուսաննա Ամուջանյան), մանկավարժական ակումբը (ղեկավար Գևորգ Հակոբյան), շախմատի ակումբ (ղեկավար Նվեր Ստեփանյան), ընթերցարան (ղեկավար Էդուարդ Ասատրյան), պարտեզ-լաբորատորիան (ղեկավար Շողիկ Պողոսյան):
4. Կենտրոնում սահմանված ժամանակացույցով ուսումնական պարապմունքներ են անցկացնում կրթահամալիրի 5-11-րդ դասարանի, արհեստագործական և միջին մասնագիտական ուսուցման սովորողներ: Կենտրոնում սահմանված կարգով իրականացվում են կրթահամալիրային միջոցառումներ:
5. Կենտրոնի բնականոն գործունեությունն ապահովում է կենտրոնի մանկավարժ-կարգադրիչը` Լուսինե Սարգսյանը: Լուսինե Սարգսյանը ղեկավարում է նաև կենտրոնի գրասենյակը: Նա կենտրոնի նյութական պատասխանատու անձն է:
6. Կենտրոնում մատուցվող ծառայությունները (այդ թվում սննդի), իրականացնում են կրթահամալիրի կինո-ֆոտո դպրոցի, տեխնոլոգիաների և արհեստների, գեղարվեստի ավագ դպրոցի ուսումնական արհեստանոցները (լաբորատորիաները) և կաբինետները:
7. Կենտրոնը բաց է ամեն օր՝ առավոտյան ժամը 9:00-ից 21:00:
8. Կենտրոնն ունի երկու հեռախոսահամար` 74 72 46, 74 92 01, ինտերնետ կապ:
9. Կենտրոնի գիշերային (ժամը 21:00-ից 9:00) պահակությունն իրականացնում է Կարեն Հովհաննիսյանը (հեռ. 093 66 63 13):