Պատրաստեց՝ Ասյա Շահինյանը, 8-5 դասարան
Այսօր շատ հետաքրքիր, տոնական միջոցառում ունեցանք մեր կրթահամալիրի մարմարյա սրահում: Այնտեղ ներկա էին մեծարգո այրեր, բարձրաշխարհիկ տիկնայք, փոփ աստղեր, ռոք աստղեր, Հայաստանի գնչուական համայնքից ներկայացուցիչ, Կիլիկիայի ծովահեններից,Եգիպտոսի թագավորական դամբարանից վերակենդանացած ոմն մեկը և շատ այլ մարդիկ:
Ինչ սարսափելի է, չէ՞: Հարց է առաջանում,թե այդքան միմյանցից տարբեր մարդիկ հավաքված մեկտեղ ի՞նչ էին անում:Մի' զարմացեք:Մեր դպրոցում պարզապես դիմակահանդես էր:Որտեղ նաև ներկա էին «անշուք» Ձմեռ պապը և ձյան բացակայությունից տխրած քնքուշ Ձյունանուշը: Հուսահատ Ձյունանուշին պակասում էր միայն Ձմեռ պապի ձեռքից իր առևանգումը: Մենք շատ տխրեցինք այդ փաստից, բայց հետո մխիթարվեցինք այն տեղեկությամբ, որ նա հեռավոր «Արտակաշենում» է, որտեղ ձյան առատություն կա և Ձյունանուշը իրեն լավ է զգում:
Սակայն մի խումբ ծովահեններ մեր սիրելի Ձյունանուշին վերադարձրեցին Ձմեռ պապիկին, որը հուսով ենք մյուս անգամ ուշադիր կլինի, որ իր չքնաղ Ձյունանուշին չփախցնեն:
Այսպես ավարտվեց մեր ամանորյա հեքիաթ-դիմակահանդեսը:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
