Այսօր առավոտյան ժամը 8-ին Վրաստանից Երևան վերադարձան մեր բրոնզե մրցանակակիրները: Խմբի անդամները շատ հոգնած էին և չէին եկել դպրոց, բայց միսս Մայան պարտաճանաչ եկել էր` պատմելու իրենց ուղևորության մասին:
Նա շատ ոգևորված և տպավորված էր: Նախ ասաց, որ մրցույթը կազմակերպել էին թուրք մասնագետները, որոնք իրենց շատ ջերմ էին ընդունել, նույնիսկ Թուրքիայից եկած խմբի կողմից հուշանվերներ էին ստացել: Նրանք սիրով հրավիրել էին մեր խմբին Անթալիա` միասին աշխատելու և համագործակցելու:
Բացի թուրքերից, եղել էին նաև ամենատարբեր ազգության ներկայացուցիչներ:
Միսս Մայան պատմեց, որ մրցույթի ժամանակ ուսուցիչները դուրս էին եկել, երեխաներն ինքնուրույն էին ներկայացրել իրենց աշխատանքները անգլերեն լեզվով: Բայց նա չէր կասկածում, որ մերոնք պատվով են ներկայացրել մեր հանրապետությունը: Երեխաներն էլ դժգոհ չեն եղել. ժյուրին շատ բարեհամբույր մոտեցել և հարցեր է տվել: Զրուցել են մի քանի րոպե և շնորհակալություն հատնելով` հեռացել:
Ճիշտ է, մերոնք գլխավոր մրցանակի չեն արժանացել, բայց այլազգի սովորողների հետ ծանոթանալն ու փորձի փոխանակումը նույնպես ձեռքբերում են համարում: Շատ հետաքրքիր աշխատանքներ են տեսել, իրենց աշխատանքներն են ցույց տվել, քննարկումներ են կազմակերպվել, նոր ծանոթություններ հաստատել...
Եվս մեկ անգամ նրանց ասում ենք` բարի գալուստ, մենք հպարտ ենք ձեզանով:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
