Այսօր Expo 2011 ցուցահանդեսի երկրորդ օրն է: Տեղ հասանք ժամանակին ու արագ անցանք գործի: Շրջեցինք տաղավարներով, հարցազրույց վերցրեցինք տարբեր հաստատությունների ներկայացուցիչներից, լսեցինք հակասական կարծիքներ մեդիակրթության վերաբերյալ:
Հաստատություններից մեկի ներկայացուցիչը այսպես մեկնաբանեց. «Մեդիան, ՏՀՏ միջոցները մենք այնքան էլ չենք կարևորում, քանի որ դրանք տանում են բթացման»: Կային նաև դրական կարծիքներ, որոնք ավարտվում էին ափսոսանքով, որ չունեն տեխնիկայի կիրառման այնպիսի հնարավորություն, ինչպես մենք` սեբաստացիներս: Ավելացնեմ նաև, որ այցելուները շատ քիչ էին:
Քիչ առաջ էլ, երբ հնչեց երաժշտությունը, չդիմացանք ու սկսեցինք պարել մեր «Վերվերին»: