Հայկական դպրոցներում տեղեկատվական և հեռահաղորդակցության տեխնոլոգիաներն արդեն հասանելի են, ավելին՝ որոշ դպրոցներում կիրառվում են:
«Մխիթար Սեբաստացի» կրթահամալիրում «Ավեր+» ծրագրի շնորհիվ աշակերտները շուտով կմոռանան, թե ինչ ասել է գրատախտակ, կավիճ, գնդիկավոր գրիչ և տետր: Ավանդական գրչին փոխարինելու է եկել էլեկտրոնային գրիչը, որը հնարավորություն է տալիս առանց գրատախտակին մոտենալու պատասխանել և գրել ուսուցչի տված բոլոր խնդիրները:
«Մենք գրում ենք էլեկտրոնային գրիչներով, պատասխանում ուսուցչի հարցերին: Ուսուցիչը նույնպես ունի այդ գրչից (մայր գրիչ), որով նա կարող է թույլ տալ, որ աշակերտը գրի, կամ էլ չգրի»,- ասում է «Մխիթար Սեբաստացի» կրթահամալիրի աշակերտ, 12-ամյա Սևակ Սերգոյանը: Աշակերտները կարևորեցին այն, որ պարտադիր չէ, թե ինչով և ինչպես ես գրում, կարևորը, որ գրում ես և սովորում, իսկ այս ծրագիրը նոր է, հետաքրքիր և հնարավորություն է տալիս հմտանալ ու կիրառել հեռահաղորդակցության տեխնոլոգիաները:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
