Ամփոփվել են մրցույթի արդյունքները

Լրաքաղ

Հանրակրթական ուսումնական հաստատության ղեկավարման իրավունք /հավաստագիր/ ստանալու համար դիմող անձանց վերապատրաստումն իրականացնելու նպատակով՝ ՀՀ կրթության և գիտության նախարարությունը հունվարի 31-ին հայտարարել էր վերապատրաստող կազմակերպությունների ընտրության մրցույթ:

Մրցույթն անցկացվել է ՀՀ կրթության և գիտության նախարարի` 18.05.2010թ. N 393-Ն հրամանով հաստատված «Հանրակրթական ուսումնական հաստատության ղեկավարման իրավունք /հավաստագիր/ ստանալու նպատակով վերապատրաստման և վերապատրաստող կազմակերպության ընտրության կարգի» 7-րդ և 8-րդ կետերի պահանջներին համապատասխան:

Մրցույթին մասնակցության հայտ էր ներկայացրել 6 կազմակերպություն, որոնք էլ հաղթահարել են մրցութային շեմը: Հանրակրթական ուսումնական հաստատության ղեկավարման իրավունք /հավաստագիր/ ստանալու համար դիմող անձանց վերապատրաստում իրականացնող կազմակերպությունների ընտրության նպատակով ստեղծված հանձնաժողովն ընտրել է հետևյալ կազմակերպություններին`

1. «Կրթության ազգային ինստիտուտ» ՓԲԸ
2. Խ.Աբովյանի անվան պետական մանկավարժական համալսարան
3. «Մանկավարժական նախաձեռնություն» հայկական ասոցիացիա
4. «Կրթություն առանց սահմանի» ՀԿ
5. «Մխիթար Սեբաստացի» կրթահամալիր
6. Վանաձորի Հովհ. Թումանյանի անվան պետական մանկավարժական ինստիտուտ:

ՀՀ ԿԳՆ կայք