Հիմնական դպրոց, 7-րդ դասարան
Հարությունյան Նելլի
Օրը շաբաթ էր: Խնկո Ապոր գրադարանը, ինչպես նախորդ երկու օրերի ընթացքում, այնպես էլ այսօր բազմամարդ էր: Մխիթար Սեբաստացի կրթահամալիրը շատ ակտիվ էր մասնակցել գրիքի տոնին, և երբ մենք այցելեցինք, գրադարանի աշխատակցուհիները մեզ ընդունեցին մեծ ոգևորությամբ: Նախորդ երկու օրերի ընթացքում մեր կրթահամալիրի աշակերտները շատ լավ տպավորություն էին թողել, ուստի զգում էինք մեծ պատասխանատվություն:
Ցուցահանդեսում ներկայացված էին շատ գրքեր: Մուտքի մոտ գրանցվելուց և առաջին հարկում շրջելուց հետո գրադարանի աշխատակցուհիներից մեկը, ով, ի դեպ, մեր գեղարվեստի դպրոցի սաներից է, ուղեկցեց մեզ վերին հարկերը: Մենք այցելեցինք 7-րդ դասարանցիների համար նախատեսված սրահը, ապա օտար լեզուների և, նույնիսկ, պարսկերեն գրքերի բաժինները: Ամենուր մեզ դիմավորում էին գրադարանի բարհեմբույր աշխատակցուհիները, ինչը մեզ շատ դուր եկավ: Եղանք նաև ընթերցասրահում, որի պատերն ամբողջությամբ նկարազարդ էին, շատ գեղեցիկ, տպավորիչ և ուսանելի, որովհետև տարբեր նկարների միջոցով անդրադարձ էր կատարված մեր ժողովրդի պատմության ու մշակույթի կարևոր իրադարձություններին: Ընթերցասրահում մենք տեսանք նաև 2007թ Գինեսի գիրքը:
Ամեն ինչ շատ հետաքրքիր էր, և մենք խոստացանք, որ կվերադառնանք գրադարան արդեն որպես ընթերցողներ:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
