Հունվարի 29-ի առավոտյան կրթահամալիրի մի բավականին մեծ խումբ այցելեց Փարաքարի Բիո լճակ: Խումբը գլխավորում էր տիար Բլեյանը: Խմբի մեջ էին նաև Էմանուել Ագջոյանը, Քնարիկ Ներսիսյանը, Մարթա Ասատրյանը և Հայկուհի Հովհաննիսյանը՝ Միջին դպրոցի իր անգլերենի ընտրությամբ սովորողների խմբով: Փարաքարի համայնքի ղեկավարը ծանոթ է մեր կրթահամալիրի և հատկապես Հայկուհի Հովհաննիսյանի շրջակա միջավայրի մաքրությանն ուղղված հետևողական աշխատանքին և այդ էր պատճառը, որ նա այդքան պատրաստակամությամբ էր եկել հանդիպմանը: Ես չգիտեմ, թե Փարաքարի Բիո լճակի մաքրման ու գործարկման մասին ինչ մանրամասներ քննարկվեցին այդ օրը, բայց այն որ այդ ուսումնական ճամփորդությանը ներկա էր եղել նաև Հայկուհին իր խմբով, ուրեմն անպայման շարունակություն լինելու էր: Նա իր 7-րդ դասարանցիների հետ հայերեն է թարգմանել կոյուղաջրերի մաքրման փորձի մասին պատմող մի հնդկական տեսաֆիլմ, որը ներկայացվում է այսօր: Համոզված եմ, որ Հայկուհին իր հետևողականությամբ հասնելու է այն բանին, որ այդ բիո լճակը սկսի գործել:
Թարգմանված ուսումնական տեսաֆիլմը կարող եք դիտել Հայկուհի Հովհաննիսյանի բլոգում:
Լուսանկարները՝ Գոռ Խլոյանի