ՀՐԱՄԱՆ
15.09.2016թ.
Կրթահամալիրի փոխտնօրենի, մանկավարժության լաբորատորիայի ներկայացմամբ 2016-2017 ուսումնական տարվա համար.
- հաստատում եմ կրթահամալիրի մասնագիտական խմբի ղեկավարի աշխատակարգը (հավելված 1), լրավճարի հաշվարկման հիմքերը (հավելված 2).
- կրթահամալիրում ուսումնական գործունեության մեջ ներառված աշխատողի հիմնական աշխատավարձը ձևավորող միասնական ցուցանիշներում գրանցել «մասնախմբի ղեկավարում», ամսական լրավճարի չափը՝ 40.000 դրամ (լրացուցիչ ծախսած աշխատաժամանակը՝ ամսական - 37 ժամ կամ շաբաթական՝ 9-10 ժամ):
Կրթահամալիրի տնօրեն` Ա. Բլեյան
Հավելված 1
«Մխիթար Սեբաստացի» կրթահամալիր
Կրթահամալիրի մասնախմբի ղեկավարի աշխատանքային պարտականություններ
2016-2017 ուստարի
«Մխիթար Սեբաստացի» կրթահամալիրի կանոնադրությամբ կրթահամալիրի մասնախմբերի ցանկը, մասնախմբերի ղեկավարներին կրթահամալիրի տնօրենի ներկայացմամբ հաստատում է կրթահամալիրի խորհուրդը: Կրթահամալիրի մասնախմբի ղեկավարն ընտրվում է սահմանված կարգով:
Մասնախմբի ղեկավարը.
- կրթահամալիրի մասնաժողովի անդամ է. մասնակցում է մասնաժողովի նիստերին, պատրաստում և ներկայացնում է իր ղեկավարած մասնախմբին վերաբերող փաստաթղթեր, գրավոր առաջարկություն է ներկայացնում մասնաժողովի օրակարգում ընդգրկված փաստաթղթերի մասին
- մասնաժողովին է ներկայացնում տվյալ ուսումնական տարվա համար անհրաժեշտ ուսումնական գրականության ցանկը
- ծանոթանում է իր մասնախմբի անդամի անհատական պլանին, քննարկում այն
- հետևում է մասնախմբի անդամի բլոգավարությանը, քննարկում և առաջարկություններ անում
- վարում է մասնախմբի սեմինար պարապմունքը
- առաջարկություն է անում մենթոր ուսուցչի ընտրության հարցում
- սահմանված կարգով մասնակցում է իր մասնախմբի անդամի գործունեության գնահատման աշխատանքին
- սահմանված կարգով մասնակցում է կրթահամալիրի դիմած մասնագետի մրցույթի կազմակերպմանը.
- վարում է մասնագիտական խմբի բլոգը։