2015 թվականը Ձեր կյանքում. ի՞նչ ձեռքբերումներ ու հաջողություններ ունեցաք անցած տարում Ձեր աշխատանքային գործունեության մեջ ու նաև անձնական կյանքում:
Տարին ամփոփելիս չեմ հաշվում, թե ինչ ձեռքբերումներ ունեցա: Ես սովորաբար դիտարկում եմ, թե քաղաքական, տնտեսական, մշակութային առումներով Հայաստանը ուր հասավ:Հայաստանը ոչ մի տեղ էլ չհասավ, Հայաստանը միայն հետընթաց ապրեց, հետևաբար դա չի կարող չազդել մեզանից յուրաքանչյուրի կյանքի ոլորտների վրա: Այս օրերին ես ավելի շատ կարևորումեմ, թե հասարակությունն ինչձեռգբերումներ ունեցավ, և իմ անձնականն էլ տեսնում եմ հասարակության ձեռքբերումների մեջ: Ուստի անձնական առումով ես ևս ձեռգբերումներ չեմ ունեցել, բացի, իհարկե, մասնագիտական ոլորտում արձանագրած իմ նկատելի աճից:
Ի՞նչ ծրագրեր եք իրականացնելու 2016 թվականին, Ձեր ցանկություններն ու ակնկալիքները Նոր տարում:
2016 թվականի հետ որևէ հույս չեմ կապում, բացարձակապես: Եթե ես առաջ այլ կերպ էի արձագանքում արտագաղթողների խնդրին, հիմա արդեն արդարացնում եմ, հատկապես 2015 թվականի սահմանադրական խայտառակ ֆարսերից հետո: Վստահ եմ, որ որևէ հույս 2016 թվականի հետ կապել չի կարելի, էլի վատանալու է մեր հասարակության վիճակը, ու եթե վերջը մշուշոտ չէ, ապա հուսադրող էլ չէ:
Հարցազրույցը վարեց Դավիթ Մուրադյանը, Ավագ դպրոց, 12-րդ դասարան