Գեղարվեստի ավագ դպրոցի ուսումնական պլան

posted by Սուսան Մարկոսյան on Thu, 25/04/2013 - 10:35

2013-2014 ուստարի

Գեղարվեստի ավագ դպրոց

Ուսումնական պլան

Ուսումնական դասընթացներ	Տարեկան ժամաքանակ
	X	XI	XII
Ընդհանուր
Մայրենի խոսքի մշակույթ	72	72	-
Հայոց լեզու	-	-	136
Գրականություն	72	72	-
Հայ գրականություն	-	-	102
Մաթեմատիկա և ինֆորմատիկա	72	72	-
Մաթեմատիկա	-	-	102
Բնագիտություն	-	-	68
Հայ ժողովրդի պատմություն	72	72	68
Փիլիսոփայություն	36	-	-
Տնտեսագիտություն	36	-	-
Իրավունք	-	36	-
Քաղաքագիտություն	-	36	-
Էկոլոգիա	72	72	-
Արվեստ	72	72	-
Անգլերեն	144	144	68
Ֆիզկուլտուրա և առողջ ապրելակերպ	108	108	68
ՆԶՊ և արտակարգ իրավիճակներ	36	36	-
Մասնագիտական կողմնորոշում	-	-	34
Առարկայական գնահատում և խորհրդատվություն	-	-	68
Սովորողի ընտրությամբ
Գծանկար	144	144	-
Գունանկար	144	144	-
Կոմպոզիցիա	144	144	-
Գծագրություն, նախագծում	144	144	-
Արվեստի պատմություն	72	72	-
Քանդակ	144	144	-
Համակարգչային գրաֆիկական ծրագրեր	72	72	-
Ձայնային, վիզուալ էֆեկտներ և մոնտաժ	108	108	-
Օպերատորական գործ	72	72	-
Ռեժիսուրա և բեմադրական գործ	72	72	-
Լուսանկարչություն	72	72	-
Լրագրություն, հաղորդավարական գործ, սցենարային աշխատանք	72	72	-
Դերասանի վարպետություն	144	144	-
Բեմական խոսք	144	144	-
Դրամատուրգիա	72	72	-
Սոլֆեջիո	72	72	-
Երաժշտություն	36	36	-
Պար	72	72
Մասնագիտական փորձառություն - - 34
Ակումբային գործունեություն
Լեզվաբանի	144	144	136
Ընթերցողի	144	144	136
Աշխարհագետի	144	144	136
Անգլիախոսների	144	144	136
Վրացախոսների	144	144	136
info.mskh.am	144	144	136
Խաղարկային դատարան	144	144	136
Ազատ խոսքի	144	144	136
Հայրենագետ-էկոլոգի	144	144	136
Գիտակների	144	144	136
Տիեզերք	144	144	136
TV.mskh և կինոֆոտոյի	144	144	136
Մարզական	144	144	136
Ռոբոտիքս	144	144	136
Գյուտարարի	144	144	136
Ծրագրավորողի	144	144	136
Տնտեսագետի	144	144	136
Թատրոն	144	144	136
Երգչախումբ	144	144	136
Երաժշտական լաբորատորիա	144	144	136
Հոգեբանի	144	144	136
Ազգագրագետի	144	144	136
Հնագետի	144	144	136
Սոցիոլոգի	144	144	136
Արվեստագետի	144	144	136
Լրացուցիչ ուսուցում
Գծանկար	144	144	204
Գունանկար	144	144	204
Կոմպոզիցիա	144	144	204
Գծագրություն, նախագծում	144	144	204

Ուսումնական պլանի պարզաբանումներ

Ուսումնական պլանը «Ստեղծողի դպրոց. անհատի կրթական պատվեր. մեդիակրթություն» հեղինակային (պետական այլընտրանքային) կրթական ծրագրի (այսուհետ` Ծրագիր) հավելվածն է:
10-12-րդ դասարան սահմանված կարգով ընդունվում է հիմնական կրթություն ունեցող համապատասխան դասարանի սովորողը, ով ընդունում է Ծրագիրը (համապատասխանում է Գեղարվեստի ավագ դպրոցում սովորողին ներկայացվող պահանջներին), կատարում ընդունելության պահանջները և ծնողի (օրինական ներկայացուցիչի) հետ միասին, սահմանված կարգով, կնքում պայմանագիր ուսումնառության մասին:
Ընդհանուր հանրակրթության դասերը կազմակերպվում են 20-25 հոգիանոց խմբերով: Սովորողի ընտրությամբ դասընթացները կազմակերպվում են 12-15, ակումբները` 12-20 հոգիանոց խմբերով: Կրթահամալիրի տնօրենի որոշմամբ կարող են գործել ավելի փոքրաքանակ խմբեր` կրթահամալիրի ոչ բյուջետային միջոցների հաշվին: Ուսուցման կազմակերպման մեջ սահմանված կարգով կիրառվում են առկա, հեռավար, առցանց, տնային ուսուցման ձևեր։
Ուսումնական պլանի պարզաբանումներում նշված կարգերը ուսումնական պլանի հավելվածն են: Դրանցում փոփոխությունները դպրոցի ղեկավարի ներկայացմամբ հաստատում է կրթահամալիրի տնօրենը:
Սովորողի առաջադիմությունը, ուսումնական արդյունքները, սովորողի մասին անհրաժեշտ այլ տեղեկություններ սահմանված կարգով էլեկտրոնային գրանցում են ստանում:
Ուսումնական տարին կազմակերպվում է կրթահամալիրի տարեկան ուսումնական օրացույցով: Դրանով որոշված ճամբարների, ուսումնական ստուգատեսների, ստեղծագործական հավաքների, Հանրակրթական դիջիթեքի, մեդիաօլիմպիադաների, ծեսերի և տոների սահմանված կարգով մասնակցությունը պարտադիր ուսումնական աշխատանք է:
Ուսումնական շաբաթը 6-օրյա է: Շաբաթ օրերը հատկացվում են հայրենագիտական, ուսումնական ճամփորդությունները, ուսումնական-հասարակական նախագծերը, լրացուցիչ կրթության պարապմունքները կազմակերպելուն:
Ուսումնական օրը սկսվում է Ծրագրի 15 րոպե տևողությամբ առավոտյան ընդհանուր պարապմունքով` սահմանված կարգով և ծրագրով: Պարապմունքի կազմակերպումը սովորողների և դասավանդողների ուսումնական-հասարակական նախագիծն է:
Ուսուցումը կազմակերպվում է տանը և դպրոցում ուսուցողական թվային միջոցների կիրառմամբ: Սովորողն ունի անհատական նոթբուք (նեթբուք), տանը` համացանց: Ծրագիրը դպրոցում ապահովում է անլար ինտերնետից, համակարգչից, ձայնագրիչից, ֆոտոխցիկից ուսումնական նպատակներով անարգել օգտվելու հնարավորություն: Ուսումնական առաջադրանքները և դրանց պատասխանները ներկայացվում են նաև էլեկտրոնային եղանակով:
Մեդիագրադարանը և դպրոցի գրադարանը սովորողին և ուսուցչին սահմանված կարգով տանը և դպրոցում ապահովում են անհրաժեշտ ուսումնական տպագիր և էլեկտրոնային նյութերով, միջոցներով:
Կրթահամալիրի, Գեղարվեստի ավագ դպրոցի կայքերին հետևելը և դրանց աշխատանքին մասնակցելը սովորողի պարտադիր ուսումնական աշխատանք է:
Ուսումնական պարապմունքների բացօթյա կազմակերպումը դիտվում է որպես սովորողի իրավունքների իրագործում:
Սահմանված կարգով իրականացվող ուսումնական ճամփորդությունները դասընթացների և մոդուլների բաղկացուցիչն են: Սովորողի մասնակցությունը այդ ճամփորդություններին պարտադիր ուսումնական աշխատանք է:
Անձնական ուսումնական բլոգի (կայքի) վարումը սովորողի համար պարտադիր ուսումնական աշխատանք է:
Կրթության առանձնահատուկ պայմանների կարիքով, տևական շրջան Հայաստանից բացակայած սովորողների համար կրթական ծրագիրը սահմանված կարգով կարող է կազմակերպվել որպես անհատական ծրագրերով ուսուցում:
Սովորողները սահմանված կարգով մասնակցում են շրջապատի կամ նյութական միջավայրի բարելավմանն ուղղված նախագծերի իրականացմանը: Ուսումնական-հասարակական (քաղաքացիական կրթության) նախագծերը սահմանված կարգով իրականացվում են տարվա ընթացքում:
Սովորողները սահմանված կարգով մասնակցում են պարտադիր ինքնասպասարկմանը` հիգիենիկ պահանջների պահպանում, ուսումնական տարածքի և գույքի խնամք: Այդ աշխատանքը ուսումնական ծանրաբեռնվածության մաս չի կազմում:
Ընդհանուր դասընթացները` 22 ժամ շաբաթական ծանրաբեռնվածությամբ, պարտադիր են 10-12-րդ դասարանների բոլոր սովորողների համար:
10-11-րդ դասարաններում սովորողը ընտրությամբ դասընթացներից, ակումբային գործունեությունից և լրացուցիչ ուսուցումից կազմում է իր անհատական ուսումնական պլանը՝ շաբաթական 12-16 ժամ ծանրաբեռնվածությամբ: 12-րդ դասարանում սովորողը շաբաթական 22 ժամ ընդհանուր պարտադիր դասընթացից բացի կարող է ընտրել մինչև 18 ժամ ուսումնական ծանրաբեռնվածություն` ակումբային գործունեություն և լրացուցիչ ուսուցման դասընթացներ:
Ակումբային գործունեությունը պարտադիր է 10-12-րդ դասարանում սովորողի համար:
12-րդ դասարանում ընդհանուր պարտադիր դասընթացներն ուղղված են ավարտական քննությունների առարկայական նախապատրաստությանը:
Լրացուցիչ ուսուցումը ներառում է հայաստանյան, արտասահմանյան բուհի ընդունելության առարկայական նախապատրաստություն, մասնագիտական որակավորմանն ուղղված ուսուցում, այլ ուսուցում: Լրացուցիչ ուսուցման դասընթացների կազմակերպման համար 10-11-րդ դասարանում սովորողի (ծնողի) հետ կնքվում է լրացուցիչ կրթության պայմանագիր` որպես ուսումնառության պայմանագրի հավելված: 12-րդ դասարանում սովորողի լրացուցիչ կրթությունն ամրագրվում է ուսումնառության պայմանագրում։
Անգլերենի ուսուցումը կազմակերպվում է ըստ սովորողի լեզվական կարողությունների մակարդակի:
Մասնագիտական կողմնորոշումը անցկացվում է դասընթացով` ուսումնական տարվա ընթացքում:
Մասնագիտական փորձառությունը սահմանված կարգով կազմակերպվում է ուսումնական տարվա ընթացքում, սովորողի անհատական պլանով։
«Ֆիզկուլտուրա և առողջ ապրելակերպ» առարկան 10-11-րդ դասարաններում սովորողի ընտրած մարզաձևն է. սովորողը մասնակցում է թիմային պարապմունքներին: 12-րդ դասարանում կազմակերպվում է արշավներով կամ սպորտային պարերով. սովորողը կարող է ընտրել նաև մարզական ակումբային գործունեություն:
«ՆԶՊ և արտակարգ իրավիճակներ» առարկան կազմված է «Առաջին բուժօգնություն», «Քաղաքացիական պաշտպանություն և արտակարգ իրավիճակներ», «Նախազորակոչիկի իրավունքներ և պարտականություններ», «Զինվորի այլ հմտություններ» դասընթացներից, որոնց ուսուցումը կազմակերպվում է ռազմա-մարզական ճամբարներում կամ հավաքներում:
Ուսումնական պլանի և ուսումնական ծրագրերի կատարողականն արտացոլվում է դպրոցի ղեկավարի, դասավանդողների և սովորողների ուսումնական բլոգներում և սահմանված կարգով ներկայացվող էլեկտրոնային ամսական և կիսամյակային հաշվետվություններում:
Կիրառվում են գնահատման տարբեր ձևեր, որոնք բերվում են 10 միավորանոց համակարգի: Գնահատման հիմքում դրվում են սովորողի անհատապես և խմբով կատարած աշխատանքների էլեկտրոնային թղթապանակը (այդ թվում` ուսումնական նախագծեր, կատարած հեռավար առաջադրանքներ, հետազոտական-ստեղծագործական աշխատանք, ուսումնական կայքի աշխատանք, ուսումնա-հասարակական նախագծեր, ուսումնական ճամփորդություններ, հայրենագիտական արշավներ, ստեղծագործական ստուգատեսներին, հավաքներին, այդ թվում` մեդիա, ցուցահանդեսներին, փառատոներին մասնակցություն, լրացուցիչ կրթություն), ամսական հաշվետվությունները: Սովորողի աշխատանքների թղթապանակը, հաշվետվությունները տեղադրվում են սովորողի ուսումնական բլոգում: Կարող են գործել դասընթացի ծրագրով նախատեսված գնահատման այլ ձևեր: Խրախուսվում է սովորողի ուսումնական գործունեության ինքնահսկման և ինքնաստուգման ձևերի կիրառումը և արդյունքների հրապարակայնացումը մեդիայի միջոցով:
Սովորողի ստեղծած այլ տեսակի արդյունքները սահմանված կարգով ներկայացվում են ցուցադրություններում, ցուցահանդեսներում, ստեղծագործական հավաքներում:
12-րդ դասարանի վերջում սովորողները հանձնում են միասնական և ավարտական քննություններ` ԿԳ նախարարության սահմանած կարգով:

Բացվել է 5497 անգամ

Ընդունելություն

Ֆոտոպատում

Դիտեք մեր եթերում

mskh.am-ը ֆեյսբուքում

Search form

Գեղարվեստի ավագ դպրոցի ուսումնական պլան

Ընդունելություն

Ֆոտոպատում

Դիտեք մեր եթերում

mskh.am-ը ֆեյսբուքում