Հոկտեմբերի հինգին, "Մխիթար Սեբաստացի" կրթահամալիրի մի խումբ սովորողներ և դասավանդողներ կմեկնեն Սյունիք: Ճամփորդությունը մեկ անգամ արդեն հետաձգվել է, որպեսզի հնարավորություն լինի մեկնել 3-օրյա արշավի` իրականում ճանաչելու Նժդեհյան Սյունիքը: Մինչ ճամփորդության կազմակերպումը, Գիտակների ակումբի շրջանակներում կկազմակերպվի բովանդակային քննարկում և կներկայացվի Նժդեհը որպես գաղափարախոս և ռազմական գործիչ, որի կենսափորձը կարող է ունենալ նաև լայն կիրառելիություն մեր օրերում: Կրթական կամուրջներ կհաստատվեն Կապանի ավագ, Կավարտի գիշերօթիկ և Ծավ գյուղի միջնակարգ դպրոցների հետ: Ժամանակի ընտրությունը պատահական չէ, քանի որ 1920 թվականի օգոստոսի 25-ին, Կապանի Կավարտի եկեղեցում, Նժդեհը հղացավ և գործի դրեց դավիթբեկյան ուխտերը: Այնուհետ, իր զինակիցների հետ ամրացավ Խուստուփ լեռան լանջերին, որտեղից, հոկտեմբեր ամսին սկսեց Սյունիքի ազատագրումը: Այցի շրջանակներում, կնվաճվի նաև Խուստուփ լեռան գագաթը:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
