• Հայերեն
  • English
  • Français
  • Georgian
  • Русский
  • Español
  • Deutsch
  • Türkçe
  • العربية
 

Ուսումնական պարապմունքների գրանցման կարգ

1.    Ուսումնական պարապմունքների բովանդակությունը

Ուսումնական պարապմունքի բովանդակությունը որոշվում է դասընթացի հրապարակված ծրագրով։ Դասավանդողն իր բլոգում նախօրոք (ամենաուշը նույն օրը) հրապարակում է ուսումնական պարապմունքին անհրաժեշտ ուսումնական նյութերը՝ դասագրքի, ուսումնական այլ գրականության հատվածներ, կայքէջեր, ցուցադրվող-ուսումնասիրվող նյութեր, աշխատանքային այլ ուսումնական նյութեր, տնային հանձնարարությունը։ 

Պարապմունքից բացակայող սովորողը նույնպես պարտավոր է ուսուցչի բլոգում տեսնել ուսումնական պարապմունքի բովանդակությունը, կատարել առաջադրանքները՝ դասարանային և տնային։

Սովորողը ուսումնական առաջադրանքների կատարման արդյունքը տեղադրում է իր ուսումնական բլոգի համապատասխան էջում:

Պարապմունքի արդյունքում ստեղծված հրապարակման ենթակա նյութերը տեղադրվում են սովորողի, դասավանդողի էջերում, հրապարակվում են դպրոցի ենթակայքում, mskh.am-ում։

2.    Ուսումնական պարապմունքի մասնակիցների հաշվառումը

Դասավանդողը ուսումնական պարապմունքի առաջին րոպեներին դասարանի (դպրոցի) էլեկտրոնային ընթացիկ շաբաթվա (օրվա) մատյանում գրանցում է սովորողների բացակայությունը։ 

Դասարանում արտակարգ դեպքի՝ կապի ընդհատման, համակարգչի խափանման դեպքում դասավանդողն ըստ կարգի անմիջապես այդ մասին տեղեկացնում է գրասենյակի (ծրագրի) ղեկավարին, բացակայությունների մասին տեղեկությունը հաղորդում պարապմունքից հետո գրասենյակում, մատյանում նշումը կատարում մինչև օրվա վերջը։

Ըստ կարգի չտեղեկացված բացակայությունների (փախուստների) մասին գրասենյակի ղեկավարը արտակարգ պատահարների մասին տեղեկացման կարգի համաձայն անմիջապես հաղորդում է դպրոցի ղեկավարին։

Դպրոցի էլեկտրոնային մատյանը կազմվում է ընթացիկ մատյաններից։ Դպրոցի գրասենյակի ղեկավարը ավարտված շաբաթվա (օրվա) մատյանն ավելացնում է դպրոցի էլեկտրոնային մատյանին, որը խմբագրման համար հասանելի է միայն իրեն (կարող է փոփոխել միայն ինքը)։ 

Կարծիք

Կարծիք ավելացնել

mskh.am-ում լատինատառ հայերեն կարծիքը չի հրապարակվում։
CAPTCHA
Խնդրում եմ մուտքագրեք պատկերված կոդը
Image CAPTCHA
Enter the characters shown in the image.