Այսօր մենք գնացինք Մեդիակենտրոն՝ «Ուսումնական ամառ» նախագծի ներկայացում- սեմինարին մասնակցելու: Բացման արարողությունը կատարեցին ընկեր Նառան և ընկեր Լևոնը: Կային հյուրեր տարբեր դպրոցներից և մեր կրթահամալիրից: Իհարկե՝ այնտեղ էր նաև տիար Բլեյանը: Եկան նաև խումբ-խումբ երեխաներ, զարմացան մեր պլանետարիումով, իսկ ղեկավար ընկեր Լևոնը, ֆիլմը ցուցադրելուց հետո և ցուցադրելու ընթացքում, մանրամասն բացատրում էր: Ընկեր Լևոնն էլ, Սիրանույշի հայրիկն էլ աշխատում են Բյուրականի աստղադիտարանում: Նրանք այնքան բան մեզ պատմեցին տիեզերքի մասին, որ մենք մինչև հիմա չգիտեինք: