Երևանի քաղաքապետարանի կրթության վարչությունը և կրթահամալիրը մայիսի 3-ին, ժամը 15:00, կազմակերպել էին կրթահամալիրում իրականացվող հեղինակային կրթական ծրագրի գործընկեր դպրոցների տնօրենների հանդիպում մեդիակենտրոնում: Մինչ հանդիպում-քննարկումը սկսելը տնօրենները ծանոթացան Մեդիակենտրոնին, Աստղացուցարանում դիտեցին կարճ ֆիլմ՝ պատկերացում կազմելու դրա մասին: Աշխատանքային նիստին դպրոցների տնօրեններին ներկայացվեցին կրթահամալիրի կառուցվածքը, կայքը, ուսուցման կազմակերպման և կայքի աշխատանքի սկզբունքները, ենթակայքերը, ամսագրերը, ուսուցման մեջ Live&Edu համակարգի, բլոգների կիրառությունը: Կրթահամալիրում կազմակերպվող ակումբները, մեդիաօլիմպիադան, ստուգատեսներ-ստեղծագործական հավաքները բաց են, քաղաքի դպրոցների սովորողների և ուսուցիչների մասնակցությունը դրանց` ընդհանուրի շահը:
Այսքանից հետո ներկաները չէին կարող հարցեր չուղղել: Հարցերը շատ էին, և դրանց միջոցով տնօրենները նաև վեր էին հանում իրենց դպրոցների առաջ կանգնած խնդիրները:
Քննարկումը թեժ էր: Օրն ավարտվեց հետագա համագործակցության պայմանավորվածությամբ:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
