Գրելուց առաջ երկար մտածեցի` կա՞ արդյոք ինչ-որ խնդիր, որով ես մտահոգված եմ, որն ինձ անհանգստացնում է: Բայց քանի որ չկա այնպիսի մի բան, որը լուրջ մտահոգության առիթ լինի և այս պահին անհանգստացնի ինձ, ես հասկացա, որ կարևորը իմ դասերն են, քննությունները: Ուզում եմ կենտրոնանալ դրանց վրա ու չշեղվել, որպեսզի կարողանամ լավ հանձնել, բայց, եթե ավելի անկեղծ, չեմ վախենում քննություններից, ինչպես ոմանք, ուղղակի կարծում եմ` պետք է շատ պարապել, աշխատել առանց հոգնելու, լինել ուշադիր ու ամենակարևորը` ունենալ կամքի ուժ: Այ, ինձ ավելի շատ մտահոգում է այն, թե ինչով եմ զբաղվելու դպրոցն ավարտելուց հետո, ի՞նչ եմ դառնալու, ինչ մասնագիտության եմ ընտրելու :
Կարծում եմ մտահոգությունս տեղին է, քանի որ դրանից բացի ինձ այս պահին ոչինչ չի մտահոգում, մնացած բաները իրենց ժամանակին, չնայած դպրոցն ավարտելու համար էլ դեռ ժամանակ ունեմ: Ամենակարևորը մարդ լինելն է, լինեմ խելացի, հարգեմ բոլորին, սիրեմ ու սիրվեմ, թե՛ ծնողներիս կողմից, թե՛ մյուսների, հա, ու լինեմ լավ ընկեր:
Չալիկյան Սուսաննա, 9-2 դասարան
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
