Շնորհավորում ենք «Գարուն» մեդիաօլիմպիադայի կրկնակի հաղթողներին`հանրապետության հանրակրթական դպրոցների 5-11-րդ դասարանների մեդիաօլիմպիադայի մասնակից 136 սովորողներին, ովքեր ճամբարի ուղեգրեր են նվաճել:
Շեշտում ենք` կրկնակի հաղթանակը, քանզի ուզում ենք հավատալ` իրենց հաղթող են համարում օլիմպիադայի 1107 աշխատանք ներկայացրած սովորողները:Կրկնակի հաղթելու հնարավորությունը առջևում է` ամառային, աշնանային, ձմեռային օլիմպիադաներին մասնակցության միջոցով: Հունիսյան օլիմպիադայի նախապատրաստական աշխատանքները արդեն սկսվել են:Սա յուրաքանչյուրիս օլիմպիադան է, որտեղ յուրաքանչյուր մասնակից նաև օլիմպիադայի կազմակերպիչ է, յուրաքանչյուր մարդ, Հայաստանում թե Հայաստանից դուրս, սովորողի ծնող թե ձեռնարկատեր, մեծահարուստ թե թոշակառու:
Մեծահասակի ներդրումը օլիմպիադայում և մտավոր է և գումարային: Հետաքրքիր, գրավիչ օլիմպիական խնդիրներ, ստեղծագործական աշխատանքի դուռ բացող ամենատարբեր առաջադրանքներ բոլոր լեզուներով, բոլոր տարիքի սովորողների համար: Իսկ 20000 դրամ արժողությամբ օլիմպիական ճամբարի ուղեգիրը նվիրելու հնարավորությունը ուսումնատենչ սովորողին մի՞թե արժանապատիվ գործ չէ յուրաքանչյուրի համար:
Գարնանային ճամբարի յուրաքանչյուր մասնակից կտեղեկացվի անհատապես: Մեր կապը անընդհատ է ու ամենահաս:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
